Itzultzaile eskola
Itzulpen beharragaz batera, Labayrun garrantzi handia emon jako beti itzulpenaren irakaskuntzari. Hasiera baten (1986), Derioko Udako Euskal Ikastaroan 5. mailako gai moduan jarri zan Itzulpena. Baina, 1986-87 ikasturtea hasi zanean, ikastaroko bost mailak eginda eukiezan ikasleentzako ikastaroa eratu zan. Gero, 1989tik aurrera, maila bitan banandu zan itzulpen ikastaroa, eta ordutik hona egitura bera dauka.
Itzulpen Zerbitzuaren eta Itzulpen Ikastaroaren arteko loturea sano estua da, alkar elikatu egiten dabela esan geinke. Esate baterako, zerbitzu honetan itzulpenak egiten daragoioen beharginik gehienak itzulpen ikastarotik igarotakoak dira, eta alderantziz be, Labayruko itzultzaile guztiak itzulpen ikastaroetako irakasleak dira.